“ترك بيت أهله بسوريا من عمر زغير و وصل علبنان ليفتش ع حياة جديدة، دخل أحد المخيّمات بلبنان وسكن فيا وشغلو كان بميكانيك وكهربا السيارات، ولكن من لمّا تعرف على جارو المدعو (ابو فرح) دخل معو ع عالم السرقات، لحتىّ احترف سرقة السيارات بحنكة وخفّة الى ان صارت مهنتو الوحيدة”.
“مراحل السرقة بتبلشّ من تجّار السيارات المسروقة، لما التاجر بيتصّل بالسارق وبيطلب منّو نوع سيارة معينة وبتمّ الاتفاق عالسعر ومكان التسليم. وبحديثنا مع هالسجين خبرنا كمان كيف بعاين المناطق والطرقات وباي أماكن بتمّ التركيز عليا لإيجاد انواع السيارات المطلوبة للسرقة”.
“و ابتداءاً من الساعة ٣ وج الصبح بتبلش عملية السرقة على الأرض، ولكلّ نوع سيارة طريقة خاصة بالسطو عليا بتختلف عن غيرا، وبحسب قول السجين عيسى الجياري كان يعرف كل أساليب السرقة لكافة انواع السيارات وعملية السرقة تكلفّو ٣ دقايق بس …” .
“وحسب ما خبرنا كان يجني مبالغ طائلة من سرقة السيارات يللي ما حلم بحياتو انو يقدر يحصل عليا وباعترافو الخاص بيقول كانت أسرع وأسهل طريقة لكسب المال وبكترة …” .
“ولكن بالنهاية هالمال كان حرام والسرقات خربة حياة ناس كتيرة، وهالسارق مصيرو كان السجن .. كافة تفاصيل الحلقة يرويها السجين عيسى الجياري نزيل مبنى الأحداث في سجن روميه. يذكر أن ضيوف الحلقة هم القاضي غسان رباح والصحافي هيثم زعيتر والمهندس نديم أبي يونس”.
“عاطل عن الحريّة” يعرض كل نهار جمعة 8:45 على شاشة ال MTV ، وهو من إعداد وتقديم: سمير يوسف، منتج منفّذ: جيمي متى، و إخراج: عبدو النجار.