“وتدللي” العنوان الّذي إختاره النجم هيثم خلايلي لأغنيته الجديدة الّتي طرحها يوم الخميس الموافق 5 أيار 2016 عبر قناته الخاصّة على “يوتيوب” من كلمات: منير بو عساف، ألحان: رواد رعد، توزيع: رواد همدر، ميكس وماستر: روجيه أبي عقل.
الأغنيّة راقصة مميّزة خاصّة بالأفراح وقد تألّق هيثم في غنائها صوتاً وإحساساً.
كلمات “وتدللي”:
اللحظة اللي تمنّيتا وصلت، اني شوفك بالطرحة
قلبي فرحة عمره كملت مش عم بتساعه الفرحة
الحلم اللي رسمته بعيوني تحوّل حقيقة
ومن بكرا عيونك ما برضى تفارقني دقيقة
وعد بعمري ما خليكِ إلا تبكي من الفرحة
وتدلّلي ع قلب ما بده حدا غيرك حدا
شاف العمر مشوار حدّك وابتدا
يحلم ببيت صغير يجمعنا وولاد
يملوا علينا البيت ونكبر عالهدا
من هلأ رح بتصيري تحت جناحي
وتكوني شريكة بحزني وبأفراحي
كل ما تعبتِ من الدنيي وكلشي فيها
تعي غلّي بين ضلوعي بقلبي ارتاحي
وتدلّلي ع قلب ما بده حدا غيرك حدا
شاف العمر مشوار حدّك وابتدا
يحلم ببيت صغير يجمعنا وولاد
يملوا علينا البيت ونكبر عالهدا
شو حلو المحبس لابق ع إيديكِ
بتسوى الدنيي هالضحكة اللي بعينيكِ
سنين العمر اللي جايي رح بعطيكِ
والله عمري ما بتغلى سنينه عليكِ
وتدللي..