بعد أن وقّعت النجمة غادة رجب على إستمارة تمرّد، نفذت توقيعها على الأرض حيث شاركت وتشارك المتظاهرين في الميادين بإعتراضهم على بقاء د. محمد مرسي في السلطة..
غادة لم تكتفِ بالتواجد، بل استغلت إسمها والآلاف الذين يتبعونها عبر الفايسبوك وتويتر لتطالبهم بعدم الخروج من الساحات حتى تتحقق المطالب المُحقّة، فكتبت: “مش هنخاف يا متأسلمين، مش هنخاف يا تجار الدين هددوا، خوّفوا، أقتلوا، استخدموا العنف، مش هنمشي.. إلى كل المتظاهرين الشرفاء المسالمين، إثبَتوا مكانكم إحنا أصحاب حق، مصر وحشتنا وعايزين نرجّعها وحنرجّعها .. إنزلوا مش هيقدروا يعملوا حاجه طول ما إحنا كتير.. إنزلوا عشان نرجّع مصر ومتسمعوش لأي تخويف ووعيد عشان مصر أهمّ وإحنا الأقوى وهم لا يملكون إلا العنف”.
كما وتوجّهت رجب برسالة إلى الإخوان، فكتبت: “متنسوش إنكم مصريين و اللي خارجين تقتلوهم دول إخواتكم المصريين، الهوية واحدة، الوطن واحد والأرض واحدة.. ما تلوثوش أيديكم بدم إخواتكم المصريين عشان حتقابلوا ربنا تقولوا له إيه؟ حتقولوا له قتلناهم عشان الجماعة؟ الجماعة مش حتشفعلكم يوم القيامه لأنهم مفهّمنكم إنكم بكده حتبقوا شهداء والحقيقة إنّكم حتبقوا قتلة إخواتكم المصريين.. همَّ مبينزلوش ولادهم لأن دمهم غالي عليهم لكن بينزلوكم عشان دمكم رخيص عندهم.. شغّلوا مخكم و راعوا ربنا”!