شهدَ تويتر صولات وجولات مديح بين الشاعر نزَار فرنسيس والنجم وائل كفوري، فـ مما كتبه الكفوري عبر صفحته على تويتر: إنت الراعي والقسيس وكلماتك صلا.. قديس ما حدا.. بيكتب شعر متلك نزار فرنسيس .. ليردّ الأخير: إنتا الصوت الكلّو عزّ.. بتغنّي الكون بيهتَزّ.. ناجح واضح كلّك ذوق جبينك عالي متل الأرز.
فعاد وائل ليعلن: إنت المعلم وبعترِف شِعري من شِعرك عرِف قد منك شاعر.. خطير شاب القلم.. عا بكير بْـ إيدي وصدقني خرِف، فكتب نزار: كنت وباقي وبتضلّك.. هون بْقلبي مَحَلّك.. مهما جِنّ وْإكتب شِعر، بْضَلّ مْحَيّر شو بقِلّك! وعد عليّي.. والله كبير انشالله بْهالسنة الجايي.. بْصوتك خلّي الشِعر يصير عَ شفاف الناس حكايي! وائل .. هالليلة ضوَّيت بْحروفك كلمي، كلمي.. إذا ما إنتَ غنَّيت المغنى ما إلو طعمي.. غنّي وْبصوتك عَلّي.. صوتك سحر بيوصلّي، الله يخلّيلي هالصوت وْما يحرمنا هالطلّي.
ومما قاله وائل أيضاً وهو طوّر مؤخّراً قدرته على التعبير زجلاً وشعراً: انشاالله السني علينا تطل وبطياتا المحبي، تا رش الزنبق والفل وكلماتك.. حبي حبي. الله يطولي بعمرك يا أحلى شاعر بالكون.. يا محلي الكلمي بشعرك ومزينها بميية لون!
وبالحديث عن الشاعر نزار فرنسيس، يتردد بأن الأخير يحاول التدخّل بكل قوته لمنع وقوع إنفجارٍ بين صديقيه نجوى كرم وملحم بركات أو أقلّهُ وقف التراشق الإعلامي بين الإثنين في الوقت الحاضر!