Loading...نشر النجم المصري تامر حسني عبر موقع التواصل الاجتماعي على” أنستغرام” صورة تجمعه بشقيقه الاكبر حسام ،حيث بارك له على نجاحه ،وقد حثه على المثابرة لتقديم اجمل الاعمال في الانتاج الفني .
وقد علق تامر على الصورة قائلا: الصوره دي والفرحه اللي في ضحكة حسام اخويا لازم اكلمكوا عنه دا حسام اخويا الكبير كان نفسه يدخل عالم الإنتاج الفني من ٥ سنين و ينتجلي وانا الحقيقه كنت دايماً برفض و كان بيزعل مني بس كنت دايماً بشرحله انه لازم يدرس السوق الأول و ميعتمدش عليا و يفهم و يذاكر كتير اوي مش عشان ينتج لاااااا عشان يكون منتج شاطر و فعلاً عمل كدا و استوعب كلامي و بدأ يتفرج و يتابع كل اللي بيحصل من اول فيلم اهواك و تصبح على خير لحد ما شارك بجزء بسيط في انتاج فيلم البدله و اشرف على انتاج البومي عيش بشوقك و انتوا اكيد شايفين العملين طلعوا ازاي للناس وازاي نجحوا والحمدلله كل عمل فيهم في السنه دي حقق نجاح كبير جداً ، انا في الصوره دي كنت قاعد بمضي عقد اول فيلم انتاجه و وكان بيقولي 😂 (طلعت عيني عشان القعده دي ) و انا كنت بقوله إوعى تزعل مني انا كنت بعلمك تكون قد المسؤليه لوحدك و دلوقتي بأمانه انت قدها و انا اللي فخور انك بتنتجلي عشان شايفك بجد شخص بقى شاطر جداً و مجتهد و بتفكر صح و شركتك دلوقتي فيها اقوى الأفراد من كل الجوانب و انا فخور بيهم كلهم فعلاً ،الف مبروك يا حبيبي يا اخويا الكبير ياللي ياما علمتني حجات جميله وانا صغير النهارده بردهالك من قلبي و بدعيلك ربنا يكرمك و يكرمنا جميعاً و يكرم كل مجتهد و تكمل مشوارك و تنتج ليا و لغيري.
كما أعلن الفنان المصري النجم تامر حسني عن أحياء حفل رأس السنة فى العاصمة الإماراتية “أبو ظبى”، من خلال حفل ضخم فى جزيرة المارية.
وكان تامر قد نشرعبر موقع التواصل الاجتماعي على “أنستغرام” بوستر الحفل معلقا عليه قائلا :”احتفل بالعام الجديد فى جزيرة المارية”.
https://www.instagram.com/p/B5V3tfwJc07/
