شيرين تشكر هيفاء وهبي على دعمها.. هفضل ممتنة ليها طول عمري

حرصت شيرين عبد الوهاب على توجيه الشكر لهيفاء وهبي، التي هنأتها بطرح أغانيها الجديدة خلال الأيام الماضية.

ونشرت شيرين عبر صفحتها الرسمية في موقع “إكس” صورة هيفاء وهبي، وكتبت: “أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني”.

وأضافت: “هيفا اثبتت ان الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي. وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير”.

وكانت هيفاء وهبي هنأت شيرين عبد الوهاب عبر حسابها الرسمي في موقع التواصل الاجتماعي إنستجرام قائلة: “ألف مبروك حبيبي اللي نور مكانه الصح، والفراغ اللي محدش يعرف يملاه”، وأرفقت تهنئتها بأسماء الأغنيات الثلاث التي طرحتها شيرين “هنحتفل” و “اللي يقابل حبيبي” و”بتمنى أنساك”.

أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي… pic.twitter.com/YQeNwlpRhR

— Sherin Abdelwahab (@Sherinthesinger) August 18, 2024

الرابط: https://www.musicnation.me/?p=255215