مايا دياب توجه رسالة مؤثرة لبلدها لبنان

قامت مايا دياب بتوجيه رسالة مؤثرة من القلب شاركتها مع متابعيها عبر إكس الى جمهورها وبلدها لبنان.

وكتبت في تغريدتها على إكس: ” ما عم بقدر نام ولا بالي عم يهدا أولاً من الحب والعبادة اللي بعبدك ياها وتانياً من الوجع يا قلبي وانتَ الموجوع وتالتاً من الدموع اللي ما عم توقف يا وجعي انتَ..قدّي بعد فيي إحمُل انا وانتَ يا كل الدني..انتَ راحتي اللي كنت مفكرة انها ما رح تروح ولا مرّة قولك كنت آخدِتَك فور غرانتد..ايه بعتذر كنت كتير غلطانة وفكّرت انو هيدا اقل شي فيك تقدملي ياه..طلع انّو رح نقلق سوا ونخاف سوا ونزعل سوا ونحزن سوا ونموت سوا ونعيش سوا يا وجعي”.

رح سمّيك وجعي لانّك الاحساس الوحيد اللي عايش بقلبي..انا وعم بكتب دموعي ما عم توقف لانه بيعرفوا انه بعد في وجع وقهر”.

وتابعت: “ورح قلّك بإيام العز ما قدرت عيش بعيدة عن قلبك وبإيام الوجع يا إمي انتَ، ما رح إقدر عيش الا بقلبك انشالله تكون حاسس اني عم جرّب شيل عنك وجع..قد ما فيّي..انتَ الغالي يا قلبي وعلى قلبي الاغلى وانتَ كرامتي وكبريائي وحالي..وانا حالي مش منيح..بالمَرًة”.

من جهة ثانية، استكملت منشورها من خلال ستوري عبر إنستقرام معلقة: “أنت مش صورة ولا خريطة ولا فكرة، أنت إحساس، واللي عنده إحساس رح يفهم علي.ما بقدر كمل من دونك، ولو بقدر احضنك كنت رح تكمَل عمرك بين إيدي، يا وجع القلب مع هاشتاغ لبنان.

ما عم بقدر نام ولا بالي عم يهدا اولاً من الحب والعبادة اللي بعبدك ياها وتانياً من الوجع يا قلبي وانتَ الموجوع وتالتاً من الدموع اللي ما عم توقف يا وجعي انتَ..قدّي بعد فيي إحمُل انا وانتَ يا كل الدني..انتَ راحتي اللي كنت مفكرة انها ما رح تروح ولا مرّة قولك كنت آخدِتَك فور…

— Maya Diab (@mayadiab) November 8, 2024