نجوم من لبنان و رسائل مؤثرة في ذكرى انفجار مرفأ بيروت

في الذكرى السنوية الأولى لإنفجار مرفأ بيروت شارك عدد من النجوم اللبنانيين برسائل مؤثرة عبر حسابتهم الخاصة.

ومن بين هؤلاء النجوم كتبت اليسا: “ما تخيلت بحياتي إن رح يمرّق علينا كارثة مثل٤ آب الماضي انفجار اغتصب العاصمة #بيروت وأهلها وكان دماره ووقعه وتأثيره بدقائق معدودة- أكثر من الحرب الأهلية اللي عشناها على مدى 15 عام. جرح #لبنان مفتوحا الضمير غائب الغضب عارم نحن بحاجة للمساعدة من المجتمع الدولي لتتحقق العدالة”.

سيرين عبد النور غردت: “ب #٤_آب في ناس راحو من هالدني غدر ونحنا بعدنا ناطرين الحقيقة هني عرفو مين المجرم يللي قتلهن، وعم بشوفو اهاليهن كيف عم بحاربو كرمالهن وكيف هالوطن عم يبكي عليهن. الكلام عن اغتاليهن والوجع ما بيخلص لا بعد سنة ولا بعد عمر”.

ماغي بو غصن كتبت: “الف رحمة على روح الضحايا الجرح بعدو بالقلب وما بيلتقم طالما المجرمين الوقحين بعدن عم يدّعوا العفة والوطنية. الله لا يسامحكن ونحنا كمان ما منسامحكن”.

نيكول سابا قالت: “ذكرى مؤلمة وحزينة ونهار مشوؤم دفعنا ثمنو كتير غالي.. ارواح ناس بريئة..الله يرحمهم يا ريت الحكي برجّع يلي راح كنا صرخنا وصرنا خرس!! والمسوؤلين مبوردين كأنو عم يتفرجوا على مسرحية الله ينتقم منكن ييجيكن نهار!”.

ميريام فارس كتبت: “سنة مرقت على الجريمة، والمجرم بعد ما نكشف ولا تحاسب. برحمة الضحايا اللي انقتلت، بحق الناس اللي انجرحت وتهجرت بحق الأطفال اللي خافت وتيتمت، بحق حرقة كل ام واب انحرموا من ولدن بحق كل ارمل وارملة، بدنا تسقط الحصانات تنكشف الحقيقة ويتحاسب المجرمين”.

الرابط: https://www.musicnation.me/?p=223165