(-1 rating, 1 votes)
Loading...فاجأ إيهاب صالح مدير أعمال شيرين عبد الوهاب، متابعيه وجمهور الفنانة بانفصاله عنها، بعد نجاح حفلها مساء امس في جدة، إذ أشار إلى أنهما فضلا أن لايؤثر العمل على صداقتهما، لذلك قرر ترك إدارة أعمالها.
وكتب إيهاب صالح تغريدة، عبر حسابه الشخصي على تويتر: جمهور شيرين العظيم الحمد لله على نجاح حفل جدة كما كان متوقع، وده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدًا على كم الدعم الرهيب في خلال الفترة اللى فاتت ليها في المقام الاول، وطبعا بعد كدة ليا.
وتابع إيهاب صالح: قررنا إن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها، وده أكيد لمصلحة الطرفين ولنا اسبابنا، مبروك وشكرا يا شيري من كل قلبي ويا رب اكون كنت على قد وعدي وكلمتي ليكي، أني دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة، وخلاص اهو الألبوم على أبواب، ومتأكد إنه هينجح نجاح غير عادي.
واختتم إيهاب صالح: ربنا دايما يحبب فيكي خلقه، ويبعد عنك أي شر بكل أشكاله ويكتبلك السعادة، أتمنى التوفيق لمديري الأعمال الجايين، ودعمهم دايما بأي شكل أكيد عشان تفضلى دايما على القمة.
