هاجم مطرب المهرجانات حمو بيكا، الفنان هاني شاكر نقيب المهن الموسيقية والفنان تامر عبد المنعم بعد حديثهما، في الصالون الثقافي بقصر السينما.
وقال بيكا، في بث مباشر عبر حسابه على إنستغرام: “لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.. المكان اللي عامل عليه الندوة ده اسمه المنصة، متقولش مسرح إنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي”.
وتابع: “عاملين ندوة كبيرة وطالعين تستهزأوا بينا، أنت متستهزأش بيا، عصر أم كلثوم وعبدالحليم كان زمان مش دلوقتي خالص، إحنا في سنة 2021 وده جيلنا وعصرنا احنا بعد اذنكم”.
واستكمل: “بيقولوا لو عايزين تغنوا غنوا برة مصر..ليه؟، ما دي بلدنا برضو، إحنا محدش يمنعنا وإحنا في بلد حرية ومفيهاش منع، وبلد بتتقدم بالجمال والحلاوة”.
واستطرد: “وحدوا الله ومش تحسسونا إن إحنا بيئة وزبالة، أنتم شايفينا كده عشان عايزين تشوفونا كده، الظلم حرام، وأنا بتكلم عن نفسي، وبقالي 5 سنين وغنيت إسفاف ولكن ده من زمان، ووقتها مكنتش أعرف يعني إيه نقابة ولما عرفت بطلت ومفيش كلام خارج بيطلع مني”.
وأضاف: “إحنا في عصر السيسي بلد الحرية والعدل والقانون، وأنتم عايزين البلد ميبقاش فيها حرية، وطول ما في ملايين وأطفال بيحبوا حمو بيكا، يبقى أنا لسه مكمل المشوار، ومتقدرش تمنعني، حرام عليكم”.
بص بقى ياسر ببكا احنا الشعب وقرفانين منك ومن امثالك البيئه زى ما بتقول انتم لا القبول بمطربين انتم شويه سررجيه عايزين تجمعوا فلوس وخلاص من الاخر
بصراحة مطربي المهرجانات لاكلام ولا لحن ولا صوت
رأيي يعتزلوا احسن
الواحد فيهم بطلع اغنية بعد يومين بتتنسى وقتية فقط لاتدوم
سيبوا الناس في حالها فيه ناس بتحب تسمعهم بلاش قطع العيش هاني شاكر اول ما غنى زمان كان بيقلد عبد الحليم حافظ وعبد الحليم قال انه حاطط صفارة في زوره عشان يجيب صوت عبد الحليم وهاجمه اللي اتعمل فيه زمان بيطلعوا فيكم الكرسي ما بيدومش لحد
العن ابو الزمن الي خلى بيكا وشاكوش ومفك ومصران ومعرفش المسميات جابوها منين انتم قتلتم الذوق والاحساس والمشاعر فينا روحوا الله يلعنكم قتلتم الفن
يابيكا مكان. ع الاسكوتر ف محطة الرمل.
الشنط والموبايلات. كتير. مش لقين. حد يسرقها
ومستنينك
انتم فيروس اصاب الشعب المصري باسلوب غريب في التحدث والاسلوب … نعم انتم مصريين ولكن ليس هذا معناه ان تكونو مفسدين وفاسدين وجودكم خطر علي المجتمع .
احموا امير الغناء من هؤلاء البلطجي… و الله… البلطجي اشرف و انظف منهم … يا. سيادة زير الثقافة … يا سيادة رئيس الجمهورية …. احم احم و دافعها و احرصوا… هانى شاكر … فهو كاللؤلؤة ف. عصرنا … و بحافظ على الذوق العام … و يحارب الألفاظ الخادمة… التى من شأنها جعلت التحرش فى كل مكان فى مصر … حافظوا على امير الغناء من بلطجية المهرجانات … و اصحاب الغناء الخادم…
احموا امير الغناء من بلطجية … المهرجانات. … و هم بالنسبة لهانى … اطفال تبول على ملابسها … يا سيادة رئيس الجمهورية … يا وزير الثقافة ….احموا لؤلؤة الغناء العربى و اميره … و ثروة لا تعوض.. امير الغناء يحافظ على الذوق العام و يحافظ على شباب الوطن من قذارة الألفاظ الخادشة و الحركات المشينة التى تحرج و يقوم بها … مغنى المهرجانات دون خجل و لا حياء. .حافظوا على امير الغناء من المغرضين … و بلطجية المهرجانات
احموا امير الغناء من بلطجية … المهرجانات. … و هم بالنسبة لهانى … اطفال تبول على ملابسها … يا سيادة رئيس الجمهورية … يا وزير الثقافة ….احموا لؤلؤة الغناء العربى و اميره … و ثروة لا تعوض.. امير الغناء يحافظ على الذوق العام و يحافظ على شباب الوطن من قذارة الألفاظ الخادشة و الحركات المشينة التى تحرج و يقوم بها … مغنى المهرجانات دون خجل و لا حياء. .حافظوا على امير الغناء من المغرضين … و بلطجية المهرجانات