حين سقطَ الإخوان المسلمون، ظنّ الجميع بأن الإعلامي باسم يوسف سقطَ بسقوطهم، لكنه عاد ليل الجمعة في برنامجه “البرنامج”، لتصيبَ إنتقاداته الساخرة هذه المرّة وجهاتٍ مختلفة منها الفريق أوّل عبد الفتاح السيسي، وأيضاً النجمة غادة عبد الرازق التي قلّدها ساخراً مرتيداً شعراً مستعاراً!
عبد الرازق لم ترحم يوسف، فهاجمته، قائلةً: “باسم يوسف واضح إنك غيران من الفريق السيسي لأنه سرق منك المشهد وقلب المصريين، واضح أوى اقولك Hard Luck.” وأضافت غادة: “كان عندنا أمل إنّك تبقى فاهم الديمقراطية، بس للأسف طلعت مش فاهم حاجة خالص، يا خسارة كنا بنحبك.. مش مهم أنا، المهم الفريق اللي نجدنا من الخراب اللي كنا عايشين فية، هو عمل اية لمصر برنامج للأسف كنت بحبه، بس عمري ماهحبه أكتر من جيشي”.
عبد الرازق لم تتوقّف عند هذا الحدّ، بل تابعت تعبّر وتشرح:”لو سكتنا المرة دي، المرة اللي جايّة هيتمسخر على الجيش المصري.. يا مصريين يا محترمين الراجل اللي وقف فى وش أمريكا وعملنا كرامه لأول مره في تاريخنا، ويا ترى أوباما دلوقتي بيتفرّج على الحلقة وبيضحك ولا باسم بيردّ الجميل لأمريكا علشان الجايزة اللي إدوهالو، قولتلكم مليون مرة مش علشاني أنا مش مهم ده بيحصل معانا دايماً ومتعودين عليه، أنا بتكلّم على شيء واحد وهو خط أحمر الجيش المصري.. غاده عبد الرازق لا تعني شيء لكن الفريق خط أحمر لا يجوز المساس به مطلقاً، ده مش بيلعب مع غاده وباسم”!
وتابعت: “يلا يا عملا للامريكان وقطر وإسرائيل من هنا ورايح لو إنتو فكرينا هنسكت، مش هنسكت مش كفايه الناس اللي ماتت بسببكم يا خينين يا عملاء، طبعا الطابور الخامس ابتدى بالبردعي ودلوقتي باسم يوسف، بس ده في الحلم، مصر هي الجيش المصري يا خونه، عايزين تدخلونا تاني فى نفق مظلم، مش هيحصل أبداً.. كنتوا فين يا خونة في الايام السودة اللي عاشتها مصر من تحت راسكم فالحين بس تطلعو في البرامج.. دكتور فشل في مهنته وراح يشتغل مذيع وياخد ملايين إسالوه بياخد كام البيه”!
هذا وكانت مصادر مقرّبة من السيسي نقلت عنه قوله إثر حلقة باسم يوسف: “سيكون تقبلنا للنقد أكثر من أي عهد مضى، وإن النقد حق مشروع للجميع، ولا أحد له إمتيازات تجعله فوق النقد، فلسنا ملائكة، ولكن لن نرضى بالإساءة”.