Loading...سيُكرم القائمون على حفل توزيع جوائز الـ ” Middle East Music Awards 2015 ″ النجم حكيم حيث سيستلم “جائزة تقديريّة” في حفل الميما الّذي سيُقام في مصر يوم الجمعة الموافق 20 مايو 2016 .
من جانب اخر، وصلت نسبة مشاهدة أغنيّة حكيم الهيت “عم سلامة” إلى أكثر من 7 مليون و 570 ألف على قناته الخاصّة على “يوتيوب”.
الأغنيّة من كلمات الشاعر عاطف صادق، ألحان تامر حجاج، وتوزيع موسيقي اسلام شيبسي – ميدو مزيكا.
كلمات “عم سلامة”:
يا عم سلامة … راحت فين السلامة والحب والحنان
وليه الغلابة … واكلاها الديابة والقسوة فـ كل مكان
لا سكة عارفين نمشيها … ولا دمعة عارفين نداريها
أيام غامقة وعايشين فيها … والغلبان على طول متهان
حتى السلام بقى عالواقف … شمال يمين كله مخالف
ولا حد فاههم ولا عارف … ولا حد لاقي لنفسه مكان
يا عم سلامة … ماتقوللي فيه إيه
هي القيامة … هاتقوم وللا إيه
ناس بتجرح وناس بتخدع … ناس بتدبح وناس بتوجع
ناس في سيرة الناس تقطع … ناس كتير ظالمين
ناس بتشمت وناس تغل … ناس كتير مع ناس تقل
ناس في رزق الناس بتطمع … ناس كتير خاينين
يا عم سلامة … ماتقوللي فيه إيه
تكونش القيامة … قامت ولا إيه
في الأيام ياما شفنا الويل … والنهار بقا زي الليل
لما خلاص فاض بينا الكيل … والقلب بالأحزان مليان
طعم اللقمة خلاص بقا مر … والأيام مش راضية تمر
قل الخير وكتر الشر … والبشر بقا كله حيتان
يا عم سلامة … ماتقوللي فيه إيه
هي القيامة … قامت ولا إيه
ناس بتجرح وناس بتخدع … ناس بتدبح وناس بتوجع
ناس في سيرة الناس تقطع … ناس كتير ظالمين
ناس بتشمت وناس تغل … ناس كتير مع ناس تقل
ناس في رزق الناس بتطمع … ناس كتير خاينين
يا عم سلامة … ماتقوللي فيه إيه
تكونش القيامة … قامت ولا إيه
