أطلق النجم محمّد السالم أحدث أعماله الغنائية “الجكارة” يوم الأحد الواقع في الثلاثون من شهر أيلول 2018 .
الأغنية من كلمات الشاعر الغنائي سيف الفارس، ألحان سيف عامر، توزيع موسيقي حيدر كيتارا، و إنتاج محمّد السالم.
كلمات “الجكارة” :
جوه القلب غافي
وبنبضي تتحكم
ياانعمه من ربي
ميت عليك افهم
……….
تشتاك الك روحي
غير انت غاليها
محد مله اعيوني
بس انت ماليها
…..
اخ يل جنك جكاره
شكد مضره ومشتهيك
قاسي حيل وياي واني
روحي محبس بين اديك
….
شايف كبر هل كون
يم حبك شويه
لك دنيتي ابليااك
ماتنحسب دنيه
…..
انت اشلعت كلبي
وبكلبي حبك دك
فرحني احبك كول
احجياها طك بطك
…..
بلا زحمه واذا ممكن ؟
ممكن ابكلبك اصير ؟
يلي من تضحك بوجهي
بلسما اكليبي يطير
افصل عن الدنيه
من انت بحضاني
تقرب عليه اكثر
يل حبك ادماني
….
بلحضه احبك يوم
بل يوم احب سنتين
صدكني من اتروح
انحسب عل ميتين
…..
ولك يل ماكو ابغلاتك
حبك ابكد السمه
عيني لو رفضت تشوفك
ادعي تنصاب ابعمه