Loading...علقت الفنانة ياسمين صبري، لأول مرة على الانتقادات التي تتعرض لها بسبب طريقتها في تجسيد أدوارها في الأعمال الفنية، وكشفت عن رأيها الشخصي في جودة هذه الأعمال، كما تفاعلت مع انتقادات بعض نجمات الفن لها ووصفها بأنها فتاة جميلة ولكن لا تملك موهبة التمثيل، وتذكرت نصيحة الفنان الراحل محمود عبد العزيز لها أثناء تصوير مسلسل “جبل الحلال” حيث حذرها بشدة من المحيطين بها.
وقالت ياسمين صبري خلال لقائها مع إسعاد يونس ببرنامج “صاحبة السعادة”: بتفرج على كل أعمالي وبكون عارفة إيه الغلط وإيه اللي اتكروت وإيه اللي اتعمل بشكل خطأ، وأنا صريحة مع نفسي ومش بنحاز لنفسي.
وتابعت ياسمين صبري: في مشاهد لما كنت بتفرج عليها كنت بقول فيها يا نهار أسود وأكلم نفسي بصراحة وبدون أزمة.. وعشان كده بطور من نفسي.
وأضافت ياسمين صبري: ودائما بفتكر نصيحة أستاذ محمود عبد العزيز في مسلسل جبل الحلال، لما قالى أني الناس اللي حاوليه هما أكتر ناس هيوقعوني.
وأضافت: أخدت بنصيحة محمود عبدالعزيز، وما بسمعش لمدح الناس اللي حواليا، وبعرف كويس لما أقدم دور كويس إنه كويس، ولما يكون دور ضعيف ببقى عارفة.
وردا على انتقادات نجمات الفن لها، قالت ياسمين صبري إنها لا يمكن أبدًا أن تعيب في زميلاتها، مشيرة إلى أن الأخلاق لديها هي أهم شيء.
وأضافت أنها تفضل أن تركز في عملها، وأن تركز وقتها في الدراسة والبحث، وأكدت أن طموحتها تتغير كل فترة وأصبحت لديها حالة من النضج فى التفكير، قائلة: كل فترة طموحاتي تتغير وأحلامي تتغير والحاجات اللي كنت فاكراها دى أقصى طموحي ألاقيها مش أهم حاجة وكل ما الواحد ينضج أحلامه تنضج معاه.
وتابعت: مش حاسة إني عندي ندم ولا آسفة على حاجة ووخده الجانب الإيجابي في كل حاجة، والفترة اللي جاية نفسى أكون أحسن وساعات أسأل نفسى إيه رسالتي في الحياة ولغاية النهارده بدور على الموضوع ده وبحس أنه طريق ملوش نهاية.
