كتيييير مزعج اصرار “بعض” الفنانين على نشر اعتذارن عن حضور حفل موركس دور اللي اصلا تأجّل وكان مخصص لتكريم بيروت، على صفحات التواصل الاجتماعي.
مزعج وفي نوع من المزايدة على بعضن وعلى حب الوطن، ليش؟لسببين:
١-اولا، لأنو القيمين على الحفل والجوائز اعلنوا اصلا عن التأجيل فور معرفتن بانفجار عكار، وفي كتير من الفنانين عرفوا بنية الموركس تتأجل، وانو بيان التأجيل عم ينكتب، ورغم هيك سارعوا لنشر اعتذاراتن. هيدا مع العلم انو الحفل كان مخصص لتكريم صمود بيروت والفنان اللبناني بهالظروف القاسية، وما كان ابدا احتفال صاخب.
٢- ثانيا، لأنو اللي بدو يعتذر عن الحضور، بيتصل فورا باصحاب الدعوة وببلغن عدم قدرتو على تلبية الدعوة( شو ما كان السبب)، مش بيعمل وعظة وطنية اخلاقية على مواقع التواصل الاجتماعي، خصوصا، ويا ريت تنتبهولي على هال خصوصا، ما حدا من الجمهور والاعلام مفروض يكون عارف غيركن انتوا انكم رح تتسلموا الجائزة، لأنو ادارة الجائزة اتصلت بكل فائز وبلغتو بشكل شخصي ، يعني ما حدا ابدا من الجمهور والاعلام بيعرف، وكل التسريبات هي مجرد ترجيحات. فكيف بتعتذروا عن جائزة بعد ما انعلن انكم ربحانينا؟؟؟؟
بعتذر، بس هيك قصص مُستفزة جدا، و… خير تفعل، شر تلقى.
