غردت الإعلامية ديما صادق عبر حسابها على تويتر تعليقاً على إستخدام الممثلة نادين نسيب نجيم كلمة “زبّال” في معرض ردها على أحد المغردين، فكتبت: “ولو؟ ولو؟! ممثلة لبنانية بستعمل مهنة “الزبال” كشتيمة؟! شيء مخزي جداً انه يكون مستوى الوعي والإنسانية والشعور والثقافة متدني لهذه الدرجة عند اشخاص بأثروا بملايين المعجبين. طبعا من المسلمات انه ما في شي مهين باي مهنة، المهين للجنس البشري انه يكون في ناس يفكرو بهل طريقة”.
هذا وردت نجيم على صادق عبر حسابها على “تويتر”: “حبيبتي ديما انت معودة على المسبات والشتايم بتحسّي حالك عندك قيمة، انا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع . والزبّال هو يلي بكب وسخه وين ما كان و نفسيته وسخة. يلي بنظف ما اسمه زبال و ما بعيطله زبال لانه بكون عم بجرحه هيك علموني بالمدرسة”.
لتعود وترد صادق: “نادين ،انا لما اختار رد عادة بختار مستوى معين من الناس بيستاهلو الرد.عندي مستوى معين ما بنزل عنه.انا الناس اللي بتفتكر انه كلمة ومهنة زبال هي كلمة مهينة فهول ناس اكيد ما بنزل لمستوى الرد عليهن لسبب:انه حتى لو رديت مستواهم الفكري والثقافي ما بخولهم يفهمو الجواب،متل ما واضح من ردك”.
وأضافت :”فلهيك ما تتعبي حالك و تردي ع هل تويت لاني ما حرد، وفري ع حالك هالاحراج، احسن ما يقولو “ما تعبت حالها تنزل لمستواها وترد عليها”.
دخل على الخط المخرج شربل خليل وقال لنادين: “نادين أنا ما في أي شي بيربطني فيك لا شغل ولا صداقة ولا معرفة، لكن نصيحة للمرة الجايي، كل حدا بيتطاول عليكِ قوليلو: إنت واحد ديما.” لترد نادين: “شكراً استاذ شربل على النصيحة”.
وردت نادين على تغريدة ثانية لتقول: “حتى يعرفه انه انا مني بلا تهذيب انا حقّاوية بين المنافقين”.
حبيبتي ديما انت معودة على المسبات و الشتايم بتحسّي حالك عندك قيمة انا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع . والزبّال هو يلي بكب وسخه وين ما كان و نفسيته وسخة . يلي بنظف ما اسمه زبال و ما بعيطله زبال لانه بكون عم بجرحه هيك علموني بالمدرسة. https://t.co/1tnJIIOGba
— Nadine Nassib Njeim 🏆 (@nadinenjeim) February 22, 2023
