أطلق الفنان الشعبي شعبان عبد الرحيم أغنية جديدة بعنوان “بقينا ع الحديدة” من كلمات إسلام خليل وحاكى فيها الوضع الاجتماعي الصعب الذي يمر به الشعب المصري، كما مدح الفريق أول عبد الفتاح السيسي وانتقد الحكومة والاعلامي الدكتور باسم يوسف والدكتور محمد البرادعي بالاضافة الى العديد من المواضيع التي تناولها.
اليكم كلام الأغنية:
بقينا على الحديدة والناس تعبانة موت .. عايزين حكومة شديدة متخافش وليها صوت
الشعب عاوز حكومة تحميه وتقوته .. مش ناس بسلاح وشومة سايبنها تموته
في ناس قاعدين يخونوا الشعب ويقسوا عليه .. عشان حكومتنا نونو مش عارفة بتعمل إيه
يا اما قولنا على البرادعي غدار وملوش أمان .. وبيلعب لعبة جامدة لحبايبه الأمريكان
دي مشاعري ودي أحاسيسي والكل بعينه شاف .. لو كله زي السيسي احنا مكوناش نخاف
دايماً تفكيره مبتكر والناس كلها عاشقاه .. صحيح ده راجل دكر والشعب كله وراه
في ناس ملهاش ملامح أشباح في كل عصر .. قال إيه عايزينا نسامح اللي قاله طز في مصر
يا حكومة فيكي وفيكي وماشية كده بالزق .. الرحمة الله يخليكي الناس خلاص هاطقّ
الجامعة بقت ميدان والطلبة نازلة حروب .. وهايبقى الامتحان مولوتوف وازاز وطوب
ملكومش رأي حاسم وناس ليها العجب .. مكفاية علينا باسم وقلة الأدب
في ناس ايديها مرعوشة نايمة ومش عايزة تبص .. وناس كتير مرهوشة ماسكة العصاية بالنص
وحيات حزني وجراحي ودم كل شهيد .. الشعب كله صاحي وحينزل من جديد
اسأل يالي انت ناسي مين هما المصريين .. من العدوان الثلاثي حرب 73
يا أوباما اللعبة اتفقصت والمستخبي بان .. فهم قطر حبيبتك وعرف أردوغان
بمعونتك حتلعبنا *** فيك يا عم .. خليها معاك وسيبنا وخلي عندك دم
