“المظاهر” دعاء ديني جديد للنجمة هايدي موسى أصدرته بمناسبة شهر المغفرة والخير “رمضان” يتكلم عن العبادة والصلاة والقناعة والنعم الّتي أنعم بها الله على الإنسان، ويشير إن الإيمان في الداخل بالقلب وليس بالمظهر الخارجي واللبس.
الدعاء كلمات: احمد حسن راؤول، ألحان: محمد فخراني، توزيع: احمد وحيد كينج، وتسجيل استديو: كينج.
كلمات “المظاهر”:
ببص في لبسي وف شكلي
ونومي براحتي او اكلي
ونعمة ناس بتضحكلي
و قلبي اللي اتخلق فرحان
وبحمد ربي بزيادة
وبفرش ارضي سجادة
وببدأ يومي كالعادة
بركعة وصفحة مالقران
واقابل ناس وبتعامل
محدش في الحياة كامل
وطول ما بنمشي بنقابل
هموم وتعب في كل مكان
ولو زاد تعبي بدعيلو
وطول الليل بصليلو
في لحظة الهم بيشيلو
وبرجع اقوى زي زمان
ولو تشغلني احوالي ..
تمللي معايا اسدالي
عشان مايفوتش عني الفرض
في ناس عايشينها بمظاهر
بتحكم بس بالظاهر
وده مش حكم رب الأرض ..
يبصوا لشكلي وللبسي ..
ومش شايفين جوايا ايه
وناسيين ان ربنا قال ..
عملي اللي هتحاسب عليه