تزامناً مع الزيارة التي يقوم بها في هذه الأثناء رئيس الجمهورية اللبنانية ميشال سليمان إلى وليد بك جنبلاط في قصر المختارة حيثُ يحلّ ضيفاً على مأدبة غداء على شرفه وشرف البطريرك الماروني، عقب ترسيخ مصالحة الجبل في بريح الشوفيّة ووضع حجر الأساس لكنيستين ستشيّدان في المنطقة، وجّهت الإعلامية منى أبو حمزة إبنة الشوف رسالة إلى الرئيس على خلفية توقيف زوجها الشيخ بهيج أبو حمزة في دعوى مقامة ضدّه من جنبلاط، وكتبت منى:
يا ريّسنا وحدك عارف قدّيش الظلم كبير
يا ريّسنا إنت شايف، بس العتم كتير!
يا ريّسنا إنت وطالع، نتفة بالطالع ضيعتنا
حبيناها وفديناها وهي بالقلب حطتنا
يا ريّسنا بس تسلّم اتطلع عكل الوجوه
منها زعلان ومتألم ومنها ساكت موجوع
ومنها صفرا صابها برد، لحم كتافها مخلوع
يا ريّسنا إنت وطالع قدّم نتفة عضيعتنا
إذا بعض رجالها نسيونا
هيّ … ما نسيتنا
اسألها، مين الغطى ضهرك
يوم اللي كنتي برداني؟
مين النجح ومين الوِصل
وضلّو بالقلب خريباني؟
يا ريّسنا كانوا كتار، جابوني من بلدتنا
وتركت بدارنا أصحاب بكيوا بيوم فرحتنا
وتركت أيمن شهيد عتبان عغربتنا
قلتلو بكرا، من جديد، متثبّت عقيدتنا
ورجع أيمن وحب الكلّ وتشرب من ميّتنا
ومتل البيي ومتل الجدّ جمع الضيعة وعيلتنا
يا ريّسنا إنت وفالل مرّقني لحظة بالبال
إنت العالم، إنت العارف كيف الوضع والحال
لو دموعي بتكفي بخلّي دموعي شلال
لو كتافي بتوّفي بحطّهن عكتافي شال
كل الي انظلموا كل الما انفهموا
وانحطوا بالأغلال!