كشفت الفنانة المصرية شيرين عبد الوهاب، عن مشاريعها الفنية المستقبلية، مؤكدة عودتها للتمثيل.
وقالت شيرين : أنا هرجع للتمثيل وبحضر لفيلم كوميدي مع أيمن بهجت قمر بجانب العديد من الأغاني الفترة الجاية.
وأضافت: نفسي أعيش في بيت فيه كل الناس اللي بتحبني، فيه كل أصحابي، أكلهم وأشربهم وأنيمهم.
وقالت شيرين عبد الوهاب إنها رفعت شعار “لا حياة مع الحب ولا حب مع الحياة”، معلنة تفرغها بالكامل لعملها الفني.
وأضافت شيرين في مداخلة هاتفية مع برنامج “معكم منى الشاذلي”، الخميس، أنها قررت استكمال رحلتها التعليمية، تأثرًا بما حدث مع الشاعر الغنائي المصري أيمن بهجت قمر.
وتابعت: “قلت للدكتور أشرف زكي (نقيب المهن التمثيلية في مصر) عايزة أكمل تعليمي، خطوة كبيرة جدا في الوقت ده، الواحد دلوقتي يعرف يتعلم، لأن وإحنا صغيرين كنا بنكره الصحيان بدري، دلوقت لأ”.
وأردفت شيرين: “نفتقد في حياتنا للروتين، الروتين مهم جدا للفنان حتى لا يشعر بالوحدة والاكتئاب، ويجب أن يشعر الفنان أنه ملك نفسه، ولما نرجع تاني نكمل دراستنا في السن ده حاجة جميلة جدا”.
وكشفت شيرين عن أمنياتها في الحياة، وقالت: “أنا رجعت لنفسي في ليلة عاشوراء، وأنا مكنتش متوضية ولا مصلية ولا صايمة. ليلة عاشوراء كانت ليلة كلها بركة والدعاء فيها مستجاب، فلما الناس دعت لي من قلبها الدعاء وصلني ورجعت شيرين تاني”.
وأضافت: “أنا رفعت شعار لا حب مع الحياة ولا حياة مع الحب. فلتسقط الرجالة. أنا بحب حياة العزلة، لكني مش في عزلة. بحب الهدوء والسكينة، وبفضل أبقى بعيدة دايما عن السوشيال ميديا والأضواء، لأني ست قديمة شوية مش جديدة، أنا ست بيتوتية”.
