رسالة صادقة ونابعة من القلب فتح فيها النجم محمّد شاهين قلبه وتوجه من خلالها لمحبّيه جاء فيها : ” مساء الخير عليكو يااغلي ناس في الدنيا كلها :كلمتين عاوز اقولهم بمناسبة اننا داخلين علي ايام مفترجه اولا انا مش هطول عليكو بس حابب اقول ان انا اسمي محمد حميد قبل مايكون اسمي محمد شاهين وبفضل الله سبحانه وتعالي انا الكلام ده اكيد الكل عارفه ان انا تعبت في حياتي وكونت تعبان لدرجه محدش يعلمها اللا الله بس لاكن لماربنا اراد ان ادخل برنامج مسابقات وحتي كمان لماكونت بقدم مكنش حد متخيل من الناس اللي حواليا ان مسافر بره ولا رايح برنامج يعتبر من اشهر البرامج ومن انجح البرامج علي مستوي الوطن العربي بس انا آمنت بحلمي والحمد لله بفضل (ربناسبحانه وتعالي وبفضل دعوات امي وابويه والناس اللي بتحبني من قلبها فعلا وصلت لمكانه حلوه وانا مبسوط بيها ) ليه بقا علشان انا عرفت ناس جميله وبيحبوني من قلبهم بجد وصادقين في مشاعرهم كويس بدون مجاملات بدون اي حاجه هما بيحبو الشخص اللي ظهر قدامهم في البرنامج طبعا انا بوجه الشكر لكل واحد تعب علشاني بعد ربنا وصوتلي وآمن بالموهبة بتاعتي وقال فعلا الشخص ده يستحق ومش هقول ان محدش ليه فضل عليا لا بالعكس الفضل يرجع بعد ربنا الاول قبل كل شئ ليكو انتو انتو الناس الحقيقية مش ناس مزيفه مش ناس كونت انا فترة في حياتهم بعد البرنامج وعدت والناس اللي اتا كونت فترة في حياتهم وعدت دول انا بشكرهم من قلبي جدا وبقولهم الجميل اللي انتو عملتو فيا انا عمري في حياتي ماهنساه لحد مااموت والشكر الأكبر لناس بقا اللي لحد النهاردة من ساعة لماخرجت من البرنامج بيدعموني وبيحبوني في الله وانا كمان مش عارفهم ولا تواصلت معاهم اسف اني طولت عليكو بجد “.
من جانب اخر، إستقطب فيديو كليب ديو محمّد والنجم ميّنا عطا الهيت “أنا الصاحب” بما يزيد عن الـ 3 مليون و 585 ألف مشاهدة على “يوتيوب”.